My aim is my quest

कधीकाळी निसर्गाच्या सानिध्यात राहणारी मी आता तो सहवास शोधत असते,  माझ्या छायेत तासनतास बसत गप्पा करणारे मित्रमंडळी नुसतेच बघत राहते, शिक्षक-विद्यार्थ्याचा निवांत संवाद आता फक्त आठवणीतच आठवत असते, उन्हाच्या कडाक्यात माझा आसरा हुडकणारे आता मला कमीच मिळतात, माझ्या रंगांच्या जुन्या पापुद्र्याचे थरच्या थरं आजकाल फक्त गळून पडतात, वय झालं आता सारंच झालं म्हणून कि काय माझी साथ देणारे ते डगडही एकेक करून साथ सोडतात, मला बांधते वेळी लावले गेलेले ते झाडेच आता मला माझी उरली दिसते, माझी जुनी इमारत सोडून सारं कसं नवं नवं वाटत मला परकं करत राहते, शिशिरा प्रमाणे सारं काही ओसाड झालेलं माझं आयुष्य वसंताच्या येण्याची वाट पाहत दिसते, एकेकाळी माझ्या आयुष्याच्या, सारे काही स्वच्छ अन् बेभान असायचे, स्वच्छंदी जगणारी मी ही प्रेमी युगलांच्या आणाभाका ऐकत राहायचे, सारं काही फक्त न्याहाळत स्वतःला मिठी मारत हजारदा स्वतःतच हरपून जायचे, _भाग्यश्री उमेश काळे 

 आयुष्य नावाच्या मोबाईलची बॅटरी low झाली कि त्याला सकारात्मकतेचं चार्जर लाऊन विचारांच्या सुंदरतेने चार्ज करता यायला हवं. डिलिट आणि सेव्ह हे बटन हे कायमच सुरू ठेवायला हवे त्यात, ऐकायला येणाऱ्या प्रत्येक गोष्टीचं analysis मग हळूहळू करता येईल. कारण नको त्या गोष्टी सेव्ह करून ठेवणारं आपण मग त्याचा परिणाम आपल्यालाच बघायला मिळतो. 

काही गोष्टी बाजूला सारून, झालं गेलं सारं विसरून,  स्वतःला मधे ठेवून, आनंदाने स्वतःलाच मिठीत घेऊन, आठवणींना थोडं मागे सोडून, स्वतःशीच मनसोक्त गप्पा मारून, एकेक क्षणांचा आनंद मिळवून, आणि मग साऱ्या अनुभवांना जपता जपता आणि स्वतःला आनंदात ठेवता ठेवता मिळणारं समाधान हे फार भारी असतं....!! _भा.उ. काळे

वाटा तुझ्या माझ्या वेगळ्याच होत्या, फक्त वेळ होती सोबत असण्याची ती, तर्हा विचारांच्या निराळ्याच होत्या, फक्त वेळ होती सांभाळून चालण्याची ती, गंध तुझ्या प्रेमाचे वेगळेच होते, फक्त एवढंच वेळ होती मायेने कुरवाळणारी ती, _भा.उ. काळे

आवडती व्यक्ती सामोरी बसणं, अन् तिच्याकडे बघून हळूच हसणं, एकमेकींकडे बघण्याचा वेळ एक होणं, मग त्या क्षणालाच सतत आठवत राहणं, दोघीचं राहणीमान सारखं असणं, सारखं असेलच का वागणं-बोलणं..?? एक ध्येयवेडी ती मैत्रीण/प्रेयसी म्हणून लाभणं, होईल का हे सत्यात बघायला मिळणं..?? _भा.उ. काळे

सगळं कळून न कळणारं हे मन, सगळं समजून न समजणारं हे मन....!! ह्या मनाची परिभाषा आणि हे मन फार कठीण समजून घेणं....!! समजायला कठीण, समजूनही न उमजणारं भलंमोठं कोडं आहे हे मन. पण याची कोडींग कळायला लागली कि खरा अर्थगर्भ कळायला लागतं. अगदी या हृदयीचे त्या हृदयी....!! कुठल्याही नात्यात हेच मन समजून घेणं अगदीच महत्वाचं. अगदीच महत्वाचं त्याला कळून घेणं आणि एकदा ते कळायला लागलं कि त्या नात्यात कधीच दुरावा येत नाही. न बोलता बरंच काही ओळखता येतं आणि शब्दाविना संवाद होत जातो दोन मनांचा.  _भा.उ. काळे

आयुष्याचे लागले असताना अचानक कुणीतरी यावं, आणि बरंच काही शिकवून जावं, हसणं हळूच ओठी येत राहावं, त्याचं कारण जीवनात तिचं येणंच असावं, _भा.उ. काळे

सहजच यावं कुणीतरी आयुष्यात आणि जगण्याचा अनोखा भाग बनून जावं, तिच्याविना आयुष्य आयुष्यच न राहावं, पण जगणं मात्र न्यारं होत जावं, आनंदाचा हळूच ती वाटा होत आनंदाचं कारणही तिचं असणं मग व्हावं, सोबत हातात हात देऊन पाठीवर खंबीरतेचं पाठबळही मग तिच व्हावं,  ध्येयाची कास हाती देऊन एकेका ध्येयाला पार करण्यासाठी एकमेकांचं मार्गदर्शक बनावं, यशापयशात आधार अन् चांगल्यासाठी एकमेकांची शाबासकी ही बनावं, _भा.उ. काळे

प्रत्येकाचं जग वेगळं, प्रत्येकाच्या संज्ञा वेगळ्या, आणि वेगळ्या प्रत्येकाच्या परिभाषा...!! प्रत्येकाचा मंच वेगळा, प्रत्येकाची भुमिका वेगळी, आणि वेगळ्या प्रत्येकाच्या आशा-निराशा...!! प्रत्येकाचं मैदान वेगळं, प्रत्येकाचा खेळ वेगळा, आणि वेगळ्या प्रत्येकाच्या डावाच्या भाषा...!! _भाग्यश्री उमेश काळे

सुखा दुःखात सोबतीने राहणारी, यशापयशात मला खंबीर करणारी, असावी ती.. आनंदात माझ्या सदाकाळ आनंद मानणारी, दुःखात ही हसायला लावणारी, असावी ती.. सोबतीने हातात हात घेऊन चालणारी, वेळप्रसंगी पाठीमागे धीराने उभी असणारी, असावी ती.. चुक केल्यास हक्काने ओरडणारी, लगेच प्रेमाने समजावून सांगणारी, असावी ती.. सतत चेहऱ्यावर हास्य ठेवणारी, दुःखाला कधीच न घाबरणारी, असावी ती.. ध्येयपूर्ती साठी सदाबहार धडपडणारी, आईबाबांच्या कष्टाची जाणीव ही ठेवणारी, असावी ती..!! _भा.उ. काळे 

फुला तुझ्यासारखं फुलता यावं, दुसऱ्याचा आनंद होता यावं, फुला तुझ्यासारखं प्रेमळ मन मिळावं, दुसऱ्यांवर प्रेम करावयास ही मिळावं, फुला तुझ्यासारखं मनसोक्त झुलता यावं, नि स्वछंदीपणे स्वातंत्र्याने फुलता ही यावं, फुला तुझ्यासारखं निस्वार्थ हसावं, स्वतःवर निस्सीम प्रेमही करणं व्हावं, फुला तुझ्यासारखं वाऱ्याचा मित्र व्हावं, "मैत्री" नावाचं नातं श्वासासोबत जगण्यास मिळावं....!! _#BK

आवडती व्यक्ती सामोरी बसणं, अन् तिच्याकडे बघून हळूच हसणं, एकमेकींकडे बघण्याचा वेळ एक होणं, मग त्या क्षणालाच सतत आठवत राहणं, दोघीचं राहणीमान सारखं असणं, सारखं असेलच का वागणं-बोलणं..?? एक ध्येयवेडी ती मैत्रीण/प्रेयसी म्हणून लाभणं, होईल का हे सत्यात बघायला मिळणं..?? _भा.उ. काळे