"75 years of NCC"

💫75 Years of NCC💫

अरे NCC का घेतलंय..?? काय आहे त्यात इतकं..?? उगाच वेळ व्यर्थ जातो हं त्यात. पण खरं म्हणजे प्रत्यक्षात इथे आल्यानंतर कळते कि खरंच NCC काय आहे. कारण इथे नुसतं लेक्चर्स आणि ड्रिल घेतली जात नाही तर देशाचा एक मजबूत पाया इथे घडवला जातो नव्हे नव्हे तर एका अनोख्या अन् अविश्वसनीय व्यक्तिमत्त्वाला आकार दिला जातो आणि मग तो हळूच देशोधडीला सोपवला जातो. मग अजून काय हवंय..?? 

आज बघितलं तर आझादीचा अमृतोत्सव आपण साजरा करत आहोत आणि या अखंड 75 वर्षाच्या कालावधीत देशाचा पाया प्रचंड मजबूत करण्यासाठी हातभार लावून देशाचा एक जबाबदार नागरिक घडविला जातो तो इथूनच....अर्थातच NCC. आजपासून ठिक 75 वर्षांपूर्वी म्हणजेच 15 जुलै 1948 रोजी NCC (National Cadet Corps) स्थापन करण्यात आलं आणि Girls division हे जुलै 1949 ला सुरू करण्यात आलेलं. NCC क्षणाक्षणाला  "Unity and Discipline" हेच ध्येय घेऊन कायम भ्रमंती करत असते. आणि आज अवघ्या भारत देशात 17 directorates आहेत आणि हे 700 Army wing, 73 Naval wing आणि 64 Air Squadrons मधे विभागले गेलेले आहेत.

NCC cadet म्हणून वावरताना प्रत्येकाचा अनुभव हा निश्चितच जीवनाची अनुभूती देणाराच असतो; कारण इथे एक चारित्र्यसंपन्न ते मैत्रभाव, शिस्तबद्धपणा ते धर्मनिरपेक्ष दृष्टिकोन, साहसिक बळापासून समाजाची तसेच देशाची निस्वार्थ सेवा करण्यापर्यंतचा अनोखा प्रवास प्रत्येकाचा प्रत्येकाला पूर्ण करावाच लागतो. म्हणूनच म्हणावसं वाटतं कि NCC हे आयुष्य घडवत जगण्याला कारण प्रदान करत असते सदाबहार.

NCC म्हटलं कि सर्वात मोठ्ठं आकर्षक असतं ते म्हणजे Republic Day Camp, हा कॅम्प NCC मधील सर्वात मोठ्ठा कॅम्प मानला जातो आणि तितकाच वैशिष्ट्यपूर्ण ही. कारण इथे  "विविधतेतील एकता" प्रत्यक्षात अनुभवता नि जगता येते. इथे भारत देशाचं एक अनोखं अन् अविश्वसनीय रुप बघायला मिळतं जिथे भारतभराच्या संपूर्ण राज्यातील NCC छात्र एकामागोमाग एक अशा स्पर्धेतून निघत अखेरचा टप्पा गाठतात ते म्हणजे NCC Headquarter, Delhi. देशभरातील विविध भाषा, विविध संस्कृती असलेले छात्र एकत्र भेटतात. आणि 26 जानेवारी ला कर्तव्य पथावर 6 महिन्यांपासून सुरू असलेल्या मेहनतीला देशासमोर मांडतात.

त्यानंतर Thal Sainik Camp (TSC), एक भारत श्रेष्ठ भारत, आर्मी अटॅचमेंट, SSB Screening Camp, Rock Climbing Camp, All India Treking Camp, एक भारत श्रेष्ठ भारत, All India Leadership Camp, Army Attachment Camp अशा विविध कॅम्प मधे सहभागी होण्याची एक उत्कृष्ट संधी इथे मिळती होते. इथे आपल्यातील सुप्त गुण, कलेला एक भलंमोठं व्यासपीठ मिळत जाते.

खरं म्हणजे इथेच खरं आयुष्य घडत जातं, आणि एकेक अनुभव जीवनाच्या खजिन्यात सामील होत जातात एकामागोमाग....आणि हे अनुभव माणसाला कुठेच कमी पडू देत नाही. सकारात्मक उर्जेचा स्त्रोत आहे NCC, पडलो धडपडलो तर उभं राहण्यासाठी अंगी येणारी ताकद आहे NCC, गोंधळलो कधी निर्णय घेण्यात तर ठामपणा आणते NCC, कुठे, कधी आणि कसं बोलावं-वागावं याचे धडे देते ती NCC, इतकंच नव्हे तर "स्व" शोधाचा अनोखा प्रवास करण्यास दृष्टी ही बहाल करते ती NCC, जीवनाला विविध गुणांनी सजवते आणि एकेक पाऊल खंबीरपणे ध्येयाच्या दिशेने टाकण्यास प्रेरणा देते ती NCC.

इथे आम्हाला एकूणच देशाचा जबाबदार नागरिक घडविण्याचे धडे दिले जातात. केवळ देशाची ऐहीक भूमिकाच पार पाडावी इतकंच नाही तर समाजाच्या विविध अंगांचा अभ्यास करत त्यासाठी एक NCC cadet म्हणून त्यांना मदत करणं हे सुद्धा एक तत्व इथे शिकवलं जातं नव्हे तर नव्याने अंगी बाणलं जातं. हा देश माझं एक कुटुंब आहे आणि मी यातील एक जबाबदारी नागरिक आहे ही जाणीव क्षणोक्षणी करून दिली जाते ती इथे.

साधं NCC जरी म्हटलं तरी रक्त थोडं अभिमानात येऊन धमण्यातून वाहू लागतं, ही स्फूर्ती, हे तेज आहे इथल्या प्रत्येक गोष्टीत. 'पुनित सागर अभियान', 'Anti Tobacco day', 'AIDS Day', 'स्वच्छ भारत अभियान', 'पर्यावरण दिवस', 'योगा दिवस', 'रक्तदान शिबिर'....असे विविध उपक्रम सुद्धा NCC द्वारा राबविण्यात येतात. म्हणजे एकंदरीत विद्यार्थ्यांच्या मनात देशसेवेसोबत समाजसेवेचे बीजही पेरत आलेली ही continuous process आहे जिला सुरूवात तर होती पण शेवट कधीच येणार नाही, ही अखंड, अक्षय नि अविरतपणे चालणारी आहे....!!

NCC म्हणजे देशाचा भरभक्कम पाया आहे जो देशाला कधीच डगमगू देणार नाही. देशावर कितीही संकटं आली असूदेत, परकियांनी गदारोळ केलेला असूदेत, इतकंच नव्हे तर मग ते १९६२ चं युद्ध असो वा १९६५ चा Indo-Pak war यात सुद्धा प्रत्यक्ष अप्रत्यक्षपणे NCC चा भलामोठा वाटा आहे. नैसर्गिक आपत्तीच्या वेळी देखील आपत्तीग्रस भागात आपत्ती व्यवस्थापन करणे, ट्रॅफिक कंट्रोल करण्यास हातभार लावणे तसेच आपत्ती ग्रस्त भागांतील पिडीतांना गरजेच्या वस्तू पोहोचवणे तसेच डॉक्टरांची उपलब्धता करून देण्यासाठी कायम धडपड करत असतात ही मंडळी.....!!

_भाउ काळे